រឿង ៤ យ៉ាង​ដែល​សហគ្រិន​គ្រប់​រូប​គួរ​ស្វែង​យល់​ពី​ការ​ទទួល​យក​នូវ​ហានិភ័យ

82e794b16586416ad4d355c1117e6544

១) ការ​ទទួល​យក​ហានិភ័យ គឺ​ជា​ការ​ទទួល​យក​មរតក​នៃ​ភាព​ជា​សហគ្រិន

ប្រសិន​បើ​អ្នក​មិន​បាន​ត្រៀម​ខ្លួន ក្នុង​ការ​ទទួល​យក​ហានិភ័យ អ្នក​ក៏​ប្រហែល​ជា​មិន​អាច ក្លាយ​ជា​សហគ្រិន​មួយ​រូប​ក្នុង​ការ​ធ្វើ​ឲ្យ​អាជីវកម្ម​មួយ​ដើរ​ទៅ​មុខ​បាន​ដែរ។ ភាព​ជា​សហគ្រិន គឺ​បាន​ផ្សា​ភ្ជាប់​មក​ជាមួយ​ការ​ប្រឈម​មុខ​នឹង​ហានិភ័យ ដែល​អ្នក​ត្រូវ​ការ​ចំណាយ​ហិរញ្ញ​វត្ថុ​ផ្ទាល់​ខ្លួន​ដើម្បី​ធ្វើ​ឲ្យ​អាជីវកម្ម​ដើរ​ទៅ​មុខ អ្នក​ត្រូវ​លះបង់​កេរ្តិ៍​ឈ្មោះ​ខ្លួន​ដើម្បី​ទៅ​ធានា​រឿង​អ្វី​មួយ​ ដែល​មនុស្ស​គ្រប់​រូប​យល់​ថា​មិន​អាច​កើត​ឡើង​រួច អ្នក​ត្រូវ​តែ​ហ៊ាន​ខាត​ក្នុង​រយៈ​ពេល រាប់​ខែ ទៅ ដល់​ឆ្នាំ ក្នុង​ការ​ធ្វើ​អាជីវកម្ម​ដំបូង។ ដូច្នេះ​ការ​ហ៊ាន​ទទួល​យក​នូវ​ហានិភ័យ​ នឹង​ការ​ត្រៀម​ខ្លួន​ជា​មុន ចំពោះ​រឿង​ដែល​អ្នក​មើល​មិន​ឃើញ​ ទើប​ធ្វើ​ឲ្យ​អ្នក​ក្លាយ​ជា​មនុស្ស​មួយ​រូប​ក្នុង ពិភព​នៃ​សហគ្រិន។

២) រាល់​ហានិភ័យ​ទាំង​អស់​មិន​មែន​សុទ្ធ​តែ​ជា​ផ្លូវ​ទៅ​រក​ជោគជ័យ​ទាំង​អស់​នោះ​ឡើយ

អ្នក​ដែល​មាន​គំនិត​សុទិដ្ឋិនិយម ក្នុង​ការ​ទទួល​យក​ហានិភ័យ តែង​តែ​មើល​ឃើញ​ចំនួន ៥០% នៃ​អត្រា​ភាព​ជោគជ័យ​របស់​ខ្លួន​រួច​ទៅ​ហើយ។ ប៉ុន្តែ​អ្នក​មិន​ត្រូវ​ បោក​បញ្ឆោត​ការ​គិត​ខ្លួន​ឯង​ថា រាល់​ហានិភ័យ​ទាំង​អស់​សុទ្ធ​តែ​ល្អ​នោះ​ទេ ឬ ឲ្យ​តែ​ហ៊ាន​ទទួល​យក​ហានិភ័យ សុទ្ធ​តែ​ទទួល​ជោគជ័យ​នោះ​ដែរ។ ពេល​ខ្លះ​ទោះ​បី​ជា​អ្នក​ត្រៀម​ខ្លួន​រួច​ជា​ស្រេច​ហើយ​ក៏​ដោយ អ្នក​នៅ​តែ​អាច​ទទួល​បរាជ័យ ដូច្នេះ​អ្នក​គួរ​ចេះ​រៀន​សូត្រ​ពី​ភាព​បរាជ័យ​ទាំង​នោះ​ដើម្បី​យក​ឈ្នះ​នៅ​ពេល​បន្ទាប់​ទៀត ពុំ​ដូច្នោះ​ទេ​រាល់​ការ​ប្រឈម​នឹង​ហានិភ័យ​របស់​អ្នក​សុទ្ធ​តែ​ជា​រឿង​ខាង​បង់។

៣) ហានិភ័យ មិន​មែន​កើត​ឡើង​ពី​ធម្មជាតិ​ឡើយ គឺ​កើត​ឡើង​ពី​ចិត្ត​មនុស្ស

មាន​ភាព​លម្អៀង​ពីរ ក្នុង​ចិត្ត​មនុស្ស ដែល​បង្ក​ឲ្យ​មាន​ហានិភ័យ​កាន់​តែ​ខ្ពស់ ទី១ គឺ​ការ​បំផ្លើស​ចំពោះ​ខ្លួន​ឯង​ ហួស​ពី​ការ​ពិត​ នូវ​ភាព​បរាជ័យ​ដែល​នឹង​អាច​កើត​មាន​មក​លើ​ខ្លួន។ ទី២ គឺ​ការ​គឺ​ការ​បណ្តុះ​គំនិត នៃ​ភាព​ពិបាក​ក្រោយ​ ទទួល​បរាជ័យ ដែល​តែង​ប្រមើល​ មើល នូវ​ករណី​អាក្រក់​ឲ្យ​ខ្លួន​ឯង ដែល​ធ្វើ​ឲ្យ​ការ​ពិត​ នូវ​អ្វី​ដែល​អ្នក​អាច​ដោះ​ស្រាយ និង គ្រប់​គ្រង​បាន​កាន់​តែ​ឃ្លាត​ឆ្ងាយ​ពី​ខ្លួន​អ្នក។ ដូច្នេះ​នៅ​ពេល​ដែល​អ្នក​ រក្សា​នូវ​គំនិត​បែប​នេះ​ក្នុង​ទស្សនៈ​របស់​អ្នក វា​មាន​ផ្សា​ភ្ជាប់​ទៅ​នឹង​ភាព​អវិជ្ជមាន​ ដែល​នឹង​កើត​ឡើង​ចំពោះ​អ្នក។

៤) ហានិភ័យ​គឺ​ជា​អ្នក​បង្កើត​ភាព​ខុស​ប្លែក

ហានិភ័យ​មួយ​ចំនួន ផ្តល់​មក​វិញ​ នូវ​គុណ​ប្រយោជន៍​ខ្ពស់ ហើយ​ហានិភ័យ​មួយ​ចំនួន ក៏​ផ្តល់​មក​វិញ​នូវ​គុណ​វិបត្តិ​តិចតួច​ដែរ ហើយ​ហានិភ័យ​ មួយ​ចំនួន អាច​ធ្វើ​ឲ្យ​អាជីវកម្ម​ជោគជ័យ ហើយ​មួយ​ចំនួន​ទៀត​ធ្វើ​ឲ្យ​អាជីវកម្ម​បរាជ័យ។ ប៉ុន្តែ មាន​ចំណុច​តែ​មួយ​គត់​ គឺ​ជា​ធាតុ​ដែល​គ្រប់​ហានិភ័យ​មាន​គឺ បង្កើត​ភាព​ខុស​ប្លែក ព្រោះ​មនុស្ស​ភាគ​ច្រើន​ គ្មាន​ឆន្ទៈ​ក្នុង​ការ​ទទួល​យក​ហានិភ័យ ហើយ​មនុស្ស​ដែល​មាន​ឆន្ទៈ​ទទួល​យក​ហានិភ័យ បាន​ធ្វើ​ឲ្យ​ពួក​គេ​មាន​ភាព​ខុស​ប្លែក​ពី​ហ្វូង​មនុស្ស​ដទៃ ដូច​អ្នក​បាន​ឃើញ​ស្រាប់ នូវ​សហគ្រិន​មហាសេដ្ឋី​ល្បី​មួយ​ចំនួន​នៅ​លើ​ពិភពលោក ដែល​ពួក​គេ​ទទួល​បាន​ជោគជ័យ​យ៉ាង​ត្រចះត្រចង់ ពី​ការ​ដើរ​ឆ្លង​ហានិភ័យ​របស់​ពួក​គេ។

ប្រភព៖ www.thebnews.com

Submit a Comment

Your email address will not be published. Required fields are marked *

Show Buttons
Hide Buttons