គន្លឹះ ៤ ​បញ្ឆោត​ខួរ​ក្បាល​ឲ្យ​យក​ចិត្ត​ទុក​ដាក់​លើ​ការងារ​ឡើង​វិញ ពេល​បាត់​ការ​ផ្ដោត​អារម្មណ៍​លើ​ការ​ងារ

6ac53581d3afe9499f8b35933a961083

១) មើល​ពី​ភាព​ជោគជ័យ​របស់​ខ្លួន​កន្លង​មក​វិញ​ នឹង​របៀប​ដែល​អ្នក​សម្រេច​វា

នៅ​ពេល​ដែល​អ្នក​ចាប់​ផ្ដើម​ធ្វើ​ការងារ​លើ​គម្រោង​ការងារ​ណា​មួយ​ដំបូង អ្នក​ប្រហែល​ជា​ធ្លាប់​គិត​ថា អ្នក​បាន​ជ្រើសរើស​នូវ​វិធី​មួយ​ដ៏​ល្អ​សម្រាប់​ខ្លួន​ឯង។ ប៉ុន្តែ​ឥឡូវ អ្នក​មិន​ទាន់​ដឹង​ច្បាស់ តើ​វិធី​ណា​មួយ​ទៀត​ដើម្បី​ដើរ​ឆ្ពោះ​ទៅ ដែល​អ្នក​មើល​ទៅ​ហាក់​បី​ដូច​ជា​មាន​ឧបសគ្គ ឬ ជាប់​គាំង នៅ​ក្នុង​វិធី​ដំណើរ​ការ​ដូច​គ្នា​ពី​មុន។ ដូច្នេះ​អ្នក​គួរ​ចេះ​សួរ​ខ្លួន​ឯង​ថា តើ​អ្វី​ជា​គោលបំណង នៃ​គម្រោង​ការងារ​របស់​អ្នក ដែល​អ្នក​កំពុង​ធ្វើ? តើ​អ្វី​ដែល​ខ្ញុំ​ត្រូវ​ធ្វើ​ពិត​ប្រាកដ​ដើម្បី សម្រេច​វា​បាន? ធ្វើ​ដូច​នេះ​ អ្នក​អាច​កំណត់​ចេញ​នូវ​វិធី​សម្រាប់​ខ្លួន​ឯង​ ក្នុង​ការ​បង្កើត​លទ្ធផល​មួយ​ដែល​ខ្លួន​ចង់​បាន។

២) ចំណាយ​ពេល​ដើរ​

យោង​តាម​ការ​ស្រាវជ្រាវ​របស់​សាកលវិទ្យាល័យ Stanford University សកម្មភាព​មួយ​ដ៏​សាមញ្ញ​នៃ​ការ​ចំណាយ​ពេល​ដើរ អាច​ជួយ​ឲ្យ​អ្នក​គិត នៅ​ក្នុង​វិធី​ផ្សេង​គ្នា ជាង​អ្វី​ដែល​អ្នក​ធ្លាប់​គិត​ពី​មុន។ បើ​តាម​ការ​ស្រាវជ្រាវ ការ​ដើរ បាន​បើក​ នូវ​លំហូរ គំនិត​ដោយ​សេរី ដែល​វា​បាន​ជួយ​ បង្កើន​ការ​គិត​ដ៏​រឹងមាំ​ មាន​ភាព​ច្នៃ​ប្រឌិត និង បង្កើត​សកម្មភាព​រាងកាយ​កាន់​តែ​ច្រើន។ ដូច្នេះ​ពេល​បាត់​បង់​ការ​ផ្ដោត​យក​ចិត្ត​ទុក​ដាក់ អ្នក​គួរ ក្រោក​ចេញ​ពី​កៅអី ការងារ​រួច​ចំណាយ​ពេល​ខ្លះ ដើម្បី​ដើរ​មិន​ថា​ក្នុង​បន្ទប់​ធ្វើ​ការ ឬ ក្រៅ​បន្ទប់​ធ្វើ​ការ​នោះ​ឡើយ។

៣) និយាយ​ចេញ​មក​ខាង​ក្រៅ

នៅ​ពេល​ដែល​អ្នក​ព្យាយាម​ធ្វើ​អ្វី​មួយ​ឲ្យ​បាន​សម្រេច ប៉ុន្តែ​អ្នក​មិន​អាច​មើល​ឃើញ​ពី​ដំណោះ​ស្រាយ​ណា​មួយ​នោះ អ្នក​គួរ​តែ​ហាន​និយាយ​វា​ចេញ​ ប្រាប់​មិត្ត​រួម​ការងារ ដើម្បី​ទទួល​បាន​ដំណោះ​ស្រាយ​រួម​មួយ​ដែល​ជួយ​ធ្វើ​ឲ្យ​អ្នក​សម្រេច​ការងារ​ដោយ​ជោគជ័យ។ ដូច្នេះ​ពេល​អ្នក​តប់​ប្រមល់​គិត​អ្វី​មិន​ចេញ អ្នក​គួរ​ចេះ​និយាយ​វា​ចេញ​ដើម្បី​ឲ្យ​មនុស្ស​ នៅ​ជុំវិញ​ខ្លួន​អ្នក​ ផ្ដល់​ជា​មតិ​យោបល់ នឹង ដំណោះ​ស្រាយ ដើម្បី​ទាញ​យក​ការ​ផ្ដោត​អារម្មណ៍​ ដើម្បី​សម្រេច​ការងារ​របស់​អ្នក​មក​វិញ។

៤) នៅ​ឆ្ងាយ​ពី​អ្វីៗ ឬ គ្រឿង​បង្ក​ការ​រំខាន

នៅ​ពេល​ដែល​អ្នក​បាន​ស្វែង​រក​ឃើញ​ ពី​អ្វី​ដែល​ជា​ជំហាន​បន្ទាប់​របស់​អ្នក ហើយ​ត្រៀម​ខ្លួន​ជា​ស្រេច​ដើម្បី​ធ្វើ​វា អ្នក​គួរ​តែ​ផ្តាច់​ខ្លួន​នៅ​ឲ្យ​ឆ្ងាយ​ពី​រាល់​អ្វីៗ​ ដែល​បង្ក​ការ​រំខាន។

ប្រភព៖ www.thebnews.com

Submit a Comment

Your email address will not be published. Required fields are marked *

Show Buttons
Hide Buttons