ការ​ស្រាវជ្រាវ៖ ដុំ​អាចម៍​ផ្កាយ​ធ្លាក់​នៅ​ខែ​ក្រោយ អាច​ឱ្យ​ផែនដី​ចុះ​ត្រជាក់​ដល់ ៨អង្សា​

បើ​ដុំ​អាចម៍​ផ្កាយ2013 TX68 ​ទំហំ ១គីឡូម៉ែត្រ​ដែល​ជឿ​ថា​ហោះ​​រយៈ​ចម្ងាយ ១៨០០០គីឡូម៉ែត្រ​ពី​ផែនដី​ថ្ងៃ​ទី ៥ខែ​មិនា បែរ​ជា​ធ្លាក់​លើ​ផែនដី នោះ​នឹង​ធ្វើ​ឱ្យ​អាកាស​ធាតុ​លើ​ផែនដី​ចុះ​ត្រជាក់​រយៈ​ពេល​រាប់​ឆ្នាំ​ដល់​ទៅ ៨អង្សា។

good-communicate1

បើ​តាម​អ្នក​វិទ្យាសាស្ត្រ​បាន​អះអាង​ថា ការ​ធ្លាក់​សីតុណ្ហភាព​លើ​ផែនដី​ជុំវិញ​ពិភពលោក​មក​ត្រឹម ៨អង្សា​នេះ​គឺ ដោយ​សារ​កម្ទេច​ធូលី​និង​ផ្សែង​ខ្មៅ​អួអាប់​កើត​ពី​ការ​ផ្ទុះ​ធ្លាក់​អាចម៍​ផ្កាយ ហើយ​ផល​ប៉ះពាល់​នេះ​នឹង​អូស​បន្លាយ​រយៈ​ពេល​ច្រើន​ឆ្នាំ ទម្រាំ​តែ​ធូលី​និង​ផ្សែង​ទាំង​នោះ​ធ្លាក់​មក​ដល់​ផែនដី។

លោក Charles Bardeen មន្ត្រី​​នៃ​មជ្ឈមណ្ឌល​ស្រាវជ្រាវ​ផ្នែក​បរិយាកាស​អាមេរិក បាន​និយាយ​កាល​ពី​ខែ​ធ្នូ​ឆ្នាំ ២០១៥ ថា៖ «នេះ​ពុំ​មែន​ជា​ពេល​វេលា​ល្អ​សម្រាប់​យើង​ទាំង​អស់​គ្នា​ឡើយ»។

បើ​តាម Bardeen និង​ក្រុម​ស្រាវជ្រាវ​របស់​លោក​ថា ពេល​ធ្លាក់​មក​ផែនដី​ ដុំ​អាចម៍​ផ្កាយ​នេះ​នឹង​បង្ក​ដី​ក្រហូង​ទំហំ ១៥គីឡូម៉ែត្រ ហើយ​បន្សល់​ទុក​ធូលី​លើ​បរិយាកាស​រយៈ​ពេល ៦ឆ្នាំ និង​ផ្សែង​ខ្មៅ​អួអាប់​ដល់​ទៅ ១០ឆ្នាំ ដែល​នេះ​នឹង​កាត់​បន្ថយ​កម្រិត​ពន្លឺ​ព្រះអាទិត្យ​ចាំង​មក​ផែនដី​ប្រហែល ២០ភាគរយ​នៅ​ពីរ​បី​ឆ្នាំ​ដំបូង​ក្រោយ​ការ​ធ្លាក់។

asteroid_2013tx68_graphic
លើ​សពី​នេះ​ផល​ប៉ះពាល់​នៃ​ដុំ​អាចម៍​ផ្កាយ ថែម​ទាំង​កាត់​បន្ថយ​កម្រិត​ភ្លៀង​ធ្លាក់​ដល់​ទៅ ៥០​ភាគរយ​ឯ​ណោះ ដែល​អ្នក​វិទ្យាសាស្ត្រ​បារម្ភ​ថា​នឹង​បង្ក​ឱ្យ​ដី​មាន​ភាព​រាំង​ស្ងួត​ខ្លាំង។

ទាក់ទិន​នឹង​ការ​ស្រាវជ្រាវ​ខាង​លើ ខាង​ NASA បាន​ឱ្យ​ដឹង​ថា​គ្មាន​ឱកាស​ណាមួយ​ដែល​ដុំ​អាចម៍​ផ្កាយ​នេះ​អាច​នឹង​ហោះ​បុក​ផែនដី​ឡើយ​នៅ​ខែ​ក្រោយ តែ​បើ​សិន​ករណី​មួយ​ក្នុង​ចំណោម​រាប់​រយ​លាន​ករណី​ដែល​អាចម៍​ផ្កាយ​នេះ​បែរ​​ធ្លាក់​បុក​ផែនដី នោះ​ហេតុ​ការណ៍​នឹង​កើត​ឡើង​ដូច​ការ​ស្រាវជ្រាវ​​ប្រាកដ​មែន៕

ប្រភព៖ www.angkorposts.com

Submit a Comment

Your email address will not be published. Required fields are marked *

Show Buttons
Hide Buttons