ក្រុមហ៊ុន Apple Incចាញ់​ក្តី​នៅ​តុលា​នៅ​អាមេរិក រឿង​ចោទ Samsung រំលោភ​កម្មសិទ្ធិ​បញ្ញា​ខ្លួន

12784267_1719143968372279_2048785403_n

ក្រុមហ៊ុន Apple Inc បាន​ចាញ់​ក្តី​នៅ​តុលា​នា​ថ្ងៃ​សុក្រ​ម្សិលមិញ​ដែល​នេះ​មាន​ន័យ​ថា ទឹក​ប្រាក់​ចំនួន ១១៩,៦ លាន​ដុល្លារ​អាមេរិក​ដែល Apple Inc ទារ​ពី​ក្រុមហ៊ុន Samsung Electronics Co. រឿង​រំលោភ​លើ​កម្មសិទ្ធិ​បញ្ហា​នោះ​ មិន​ទទួល​បាន​ជោគជ័យ​ឡើយ។ ក្រុមហ៊ុន Apple Inc បាន​ប្តឹង​ក្រុមហ៊ុន Samsung ថា​បាន​ចំលង​លក្ខណៈ​សម្បត្តិ​ពី​ក្រុមហ៊ុន​ខ្លួន​ចំនួន ២ ទី១ គឺ​ការ​អូស​នៅ​លើ​អេក្រង់​ដើម្បី​ដោះ​សោ​ ត្រូវ​តុលាការ​ចាត់​ទុក​ថា​ជា​រឿង​មិន​ត្រឹមត្រូវ។

ការ​សម្រេច​ចិត្ត​របស់​តុលាការ​ មិន​ត្រឹម​តែ​ធានា​ឲ្យ​ក្រុមហ៊ុន Samsung កែ​តម្រូវ​លក្ខណៈ​សម្បត្តិ​របស់​ខ្លួន​សារ​ឡើង​វិញ​នោះ​ទេ វា​ថែម​ទាំង​ធ្វើ​ឲ្យ​ Samsung បន្ត​ប្រើ​លក្ខណៈ​មួយ​នេះ​នៅ​លើ​ទូរស័ព្ទ​ សេរី​ចាស់ៗ​របស់​ខ្លួន​ផង​ដែរ ដោយ​មិន​ចាំ​បាច់​ធ្វើ​ការ​កែ​ប្រែ​ឡើង​វិញ​ឡើយ។ តុលាការ​ឧទ្ធរណ៍​ បាន​ទម្លាក់​ចោល​សាលក្រម​ដែល​ក្រុមហ៊ុន Apple ធ្លាប់​ឈ្នះ​ពី​មុន ប៉ុន្តែ​ក្រុម​គណៈ​វិនិច្ឆ័យ​បាន​រក​ឃើញ​ថា​ អ្នក​ផលិត​ទូរស័ព្ទ iPhone ត្រូវ​បង់​ការ​ចំណាយ​ចំនួន ១៥៨,៤០០ ដុល្លារ​វិញ​ឲ្យ​ក្រុមហ៊ុន Samsung រឿង​រំលោភ​កម្មសិទ្ធិ​បញ្ញា ផ្នែក​បង្រួម​ វីដេអូ ឲ្យ​មាន​ទំហំ​តូច។

ករណី​សង្គ្រាម​ផ្នែក​កម្មសិទ្ធិ​បញ្ហា​ នៃ​ក្រុមហ៊ុន​បច្ចេកវិទ្យា​យក្ស​ទាំង​ពីរ បាន​ចាប់​ផ្តើម​មាន​តាំង​តែ​ពី​ខែ​មេសា ឆ្នាំ ២០១១ មក​ ដោយ​ក្រុមហ៊ុន Apple បាន​ចោទ​ Samsung ថា បាន​ចំលង​ទាំង​ស្រុង​ នូវ​កម្មសិទ្ធិ​បញ្ញា​របស់​ខ្លួន ដោយ​ពេល​នោះ Apple បាន​ឈ្នះ​ក្តី​នៅ​តុលាការ​ ដោយ Samsung ​បាន​ផ្តល់​ប្រាក់​សំណង​យ៉ាង​ច្រើន​សន្ធឹកសន្ធាប់​ឲ្យ​ទៅ Apple។

ប្រភព៖ www.thebnews.com

Submit a Comment

Your email address will not be published. Required fields are marked *

Show Buttons
Hide Buttons