សេដ្ឋីវ័យក្មេងប្រាប់ពី​គន្លិះ​ទាំង​៥​​រកលុយឲ្យបាន១លានដុល្លារដំបូងក្នុងរយៈពេលខ្លី

ពេល​​យើង​កំណត់​គោលដៅ​រក​លុយ​អោយ​បាន​មួយ​លាន​ដុល្លារ​អាមេរិក​​គឺ​​មិន​មែន​ជា​រឿង​ធម្មតា​ទេ និយាយ​រួម​គឺ​មាន​អ្នក​អា​ច​ធ្វើ​បាន​និង​អ្នក​ធ្វើ​មិន​បាន។

TnL

លោក Ryan Moran រក​បាន​លុយ​​មួយ​លាន​ដុល្លារ​ដំបូង​របស់​លោក​នៅ​ថ្ងៃ​ខួប​កំណើត​វ័យ​២៦​ឆ្នាំ​របស់​លោក។ បច្ចុប្បន្ន​លោក​មាន​វ័យ​២៨​ឆ្នាំ មុខ​ជំនួញ​របស់​លោក​រក​ចំណូល​បាន​ប្រមាន​៥០​ម៉ឺន​ដុល្លារ​ក្នុង​មួយ​ខែ។

មនុស្ស​ជា​ច្រើន​កើត​ក្ដី​សង្ស័យ និង​ចង់​ដឹង​ថា​តើ​បុរស​វ័យ​ក្មេង​យ៉ាង​នេះ​រក​ប្រាប់​រាប់​លាន​ដុល្លារ​ក្នុង​រយៈ​ពេល​តែ​ប៉ុន្មាន​ឆ្នាំ​បាន​ដោយ​របៀប​ណា? ទី​បំផុត​សេដ្ឋី​វ័យ​២៨​ឆ្នាំ Ryan Moran បាន​ប្រាប់​មហាជន​ថា “រក​លុយ​មួយ​លាន​ដុល្លារ​ដំបូង​គឺ​ងាយ​ស្រួល​ទេ​ប្រសិន​បើ​អ្នក​អនុវត្ត​តាម​​៥​ចំណុច​នេះ”។

១៖ រាប់​អាន​មនុស្ស​ដែល​​នឹង​ពង្រីក​ការ​គិត​របស់​អ្នក

Ryan ស្រមៃ​​តាំង​ពី​តូច​មក​ចង់​ក្លាយ​ជា​​ម្ចាស់ក្លិប​ Clevelan Indians។ ពេល​គាត់​ឈាន​ដល់​វ័យ​២០​ឆ្នាំ​គាត់​ដឹង​ថា ដើម្បី​ធ្វើ​ក្ដី​ស្រមៃ​របស់​គាត់​អោយ​ក្លាយ​ជា​ការ​ពិត លោក​នឹង​ត្រូវ​ការ​លុយ​ចំនួន​៥០០​លាន​ដុល្លារ។ សម្រាប់​​មនុស្ស​ស្ទើរ​តែ​ទាំង​អស់​នៅ​លើ​លោក​​​ការ​​រក​លុយ​៥០០​លាន​ដុល្លារ​ដើម្បី​ទិញ​ក្លិប​កីឡារ​អាជីព​មួយ​​គឺ​លើស​​ឆ្ងាយ​ពី​អ្វី​ដែល​អាច​ធ្វើ​បាន។ សម្រាប់​លោក Ryan ក៏​ដូច​​គ្នា រហូត​ដល់​លោក​ចាប់​ផ្ដើម​​រាប់​អាន​មនុស្ស​ជា​ច្រើន​ដែល​បាន​ធ្វើ​ការ​នេះ​រួច​ទៅ​ហើយ។

លោក​លើក​ឡើង​ថា “អ្នក​អាច​ស្រមៃ​ឃើញ​​ថា​ដើម្បី​សម្រេច​គោល​បំណង​ដ៏​ធំ​បែប​នេះ​វា​ទាមទារ​អ្វី​ខ្លះ ហើយ​ការ​ដែល​យើង​ស្គាល់​មនុស្ស​កម្រិត​នេះ​រាប់​អាន​ពួក​គេ​ជា​អ្នក​ផ្ដល់​យោបល់​ដល់​​យើង ពួក​គេ​អាច​ប្រាប់​យើង​យ៉ាង​ច្បាស់​ថា យើង​ត្រូវ​ការ​អ្វី​អោយ​ពិត​ប្រាកដ​ដើម្បី​ធ្វើ​រឿង​នោះ​បាន។ វា​គ្រាន់​តែ​ផ្នែក​មួយ​​នៃ​ជំនួញ​របស់​អ្នក ប៉ុន្តែ​ភ្លាមៗ​អ្វី​ដែល​អ្នក​គិត​ថា​មិន​អាច​​ធ្វើ​ទៅ​បាន​ ក៏​ស្រាប់​តែ​ប្រែ​ក្លាយ​ជា​ការពិត”។

តើ​​សុបិន​ដ៏​ធំ​របស់​អ្នក​ជា​អ្វី​​ដែល​ធ្វើ​អោយ​អ្នក​គិត​ថា​មិន​អាច​សម្រេច​បាន ឬ​បន្លាច​ទឹក​ចិត្ត​របស់​អ្នក? តើ​អ្នក​គិត​ថា អ្នក​ទំនង​ជា​នឹង​​សម្រេច​ក្ដី​សុបិន​នោះ​បាន​ទេ​ប្រសិន​បើ​អ្នក​មាន​ក្រុម​អ្នក​ផ្ដល់​យោបល់​ដែល​បាន​សម្រេច​ និង​ធ្វើ​ការ​នៅ​កម្រិត​នោះ​ហើយ? ប្រសិន​បើ​ដូច្នោះ​មែន ចាប់​ផ្ដើម​បង្កើត​ទំនាក់ទំនង​ជាមួយ​ពួក​គេ​នៅ​ពេល​នេះ ហើយ​អោយ​ពួក​គេ​ជួយ​បង្ហាញ​ផ្លូវ​អ្នក។

២៖ កែ​តម្រូវ​អ្វី​ដែល​អ្នក​គិត​ថា​ធ្វើ​មិន​បាន

ខណៈ​ដែល​អ្នក​រាប់​អាន​​មនុស្ស​ត្រូវ​ហើយ អ្នក​នឹង​ត្រូវ​អភិវឌ្ឍ​គំនិត​របស់​អ្នក។ ផ្នែក​មួយ​នៃ​ការ​កែតម្រូវ​គំនិត​គឺ​ កត់​សម្គាល់​ការជឿ​ដែល​មាន​កម្រិត​របស់​អ្នក​។​ Ryan និយាយ​ថា “ពេល​អ្នក​មាន​អារម្មណ៍​​ថា​អ្វី​មួយ​​មិន​អាច​ទៅ​រួច អ្នក​ត្រូវ​កត់​សម្គាល់​ថា វា​គ្រាន់​តែ​ជារឿង​ដែល​អ្នក​កំពុង​និយាយ​ប្រាប់​ខ្លួន​ឯង​​ហើយ​ធ្វើ​វា​​អោយ​ទៅ​ជា​រឿង​ដែល​មិន​អា​ច​ទៅ​រួច បើ​វា​គ្រាន់​តែ​ជា​រឿង​ដូច្នេះ​បញ្ហា​គឺ​អ្នក​គ្រាន់​តែ​ត្រូវ​ការ​សរសេរ​វា​ម្ដង​ទៀត​ប៉ុណ្ណោះ។

ដើម្បី​សរសេរ​រឿង​របស់​អ្នក​ឡើង​វិញ អ្នក​ត្រូវ​សួរ​ខ្លួន​ឯង​ថា “រឿង​អ្វី​ខ្លះ​នៅ​ក្នុង​ជីវិត​ខ្ញុំ​ដេល​បន្លាច និង​បញ្ឍប់​ខ្ញុំ​ពី​ការ​ធ្វើ​សកម្មភាព? វា​ជា​សកម្មភាព​គួរ​អោយ​ខ្លាច​មែន ឬ​គ្រាន់​តែ​ជា​ការ​ភ្នក​ក្លែងក្លាយ​ដែល​ទាញ​ខ្ញុំ​ថយ​ក្រោយ? តើ​ខ្ញុំ​ត្រូវ​ធ្វើ​បែប​ណា​ដើម្បី​បោះ​ជំហាន​ទៅ​មុខ​បើ​ទោះ​ជា​ប្រឈម​នឹង​ភាព​ភ័យ​ខ្លាច​នេះ?”

៣៖ បញ្ចេញ​លទ្ធផល​ដែល​​គេ​នឹក​គិត​មិន​ដល់

លទ្ធភាព​ដែល​អ្នក​អាច​បង្កើន​ចំណូល​គឺ​ពឹង​លើ​លទ្ធភាព​ដែល​អ្នក​អាច​បញ្ចេញ​លទ្ធផល​ដែល​គេ​នឹក​ស្មាន​មិន​ដល់។ មនុស្ស​​ជា​ច្រើន​គិត​ថា វិធី​តែ​​មួយ​ដើម្បី​បន្ថែម​តម្លៃ​ទៅ​លើ​លទ្ធផល​គឺ​ការ​ប្រឹង​ប្រែង​ធ្វើ​ការ​អោយ​កាន់​តែ​ខ្លាំង ឬ​ដោះ​ដូរ​ជា​លុយ។ ការ​គិត​នេះ​តូច​ពេក​ហើយ។ អ្នក​អាច​បញ្ចេញ​លទ្ធផល​ដែល​គេ​នឹក​គិត​មិនដល់​​តាម​រយៈ ទំនាក់ទំនង​ដែល​អ្នក​បាន​បង្កើត ពេល​វេលា​ដែល​អ្នក​អាច​ចាត់ចែង​បាន និង​បញ្ហា​ដែល​អ្នក​អាច​សម្រាល​បាន។

ឱកាស​​ជោគជ័យ​ធំៗ​នឹង​បើក​ចំហ​នៅ​ពេល​អ្នក​សាង​ទំនាក់ទំនង​ជាមួយ​មនុស្ស​ត្រូវ(១) ចំណាយ​ពេល​វេលា​របស់​​អ្នក​​​លើ​សកម្មភាព​ដែល​មាន​​ឥទ្ធិពល​​ខ្ពស់​បំផុត(២) ហើយ​​ធ្វើ​ជា​មនុស្ស​ដែល​ចេះ​ដោះ​ស្រាយ​បញ្ហា(៣)។ លុប​បំបាត់​​ចោល​គំនិត​ចាស់​ដែល​គិត​ថា អ្នក​ត្រូវ​ប្រឹង​ធ្វើការ ឬ​ស្វែង​រក​ការងារ​ដែល​មាន​ប្រាក់​ខែ​ច្រើន ហើយ​ចាប់​ផ្ដើម​​អភិវឌ្ឍ​ទម្លាប់​នៃ​ការ​​បញ្ចូល​​​គោលការ​ណ៍​ទាំង​បី​នេះ​នៅ​ក្នុង​ជីវិត​ប្រចាំ​ថ្ងៃ​របស់​អ្នក។

៤៖ ជ្រើសរើស​អតិថិជន​របស់​អ្នក​ដោយ​វៃឆ្លាត

វិធី​ដែល​ងាយ​បំផុត​ដើម្បី​​ទម្លាយ​ផ្លូវ​ទៅ​រក​លុយ​១​លាន​ដុល្លារ​របស់​អ្នក​គឺ​ការ គិត​តម្លៃ​ថ្លៃ​ទៅ​លើ​ផលិតផល​ និង​សេវា​កម្ម​របស់​អ្នក។ ទោះ​ជា​យ៉ាង​ណា ពេល​ដែល​អ្នក​ប្រាប់​​អ្នក​ណា​ម្នាក់​ពី​ការ​ឡើង​ថ្លៃ ពួក​គេ​តែងតែ​តប​មក​អ្នក​វិញ​ដោយ​លើក​ឡើង​ថា ទីផ្សារ​មិន​អនុញ្ញាត​អោយ​មាន​ការ​តម្លើង​ថ្លៃ​បែប​នោះ​ទេ។ នេះ​ហើយ​ជា​ហេតុផល​ដែល​អ្នក​ត្រូវ​ជ្រើសរើស​អតិថិជន​អោយ​បាន​ត្រឹ​មត្រូវ។

៥៖ វិនិយោគ​សម្រាប់​រយៈ​ពេល​វែង

មនុស្ស​ជា​ច្រើន​សុខ​ចិត្ត​វិនិយោគ​​លុយ​ទៅ​លើ​អ្វី​ដែល​ចំណេញ​លឿន និង​ងាយ​ស្រួល។ យ៉ាង​ណា​បើ​ប្រៀប​ធៀប​អោយ​ពិត​ប្រាកដ អ្នក​នឹង​ដឹង​ថា​លទ្ធផល​ដែល​លឿន​បំផុត​គឺ​កើត​ឡើង​នៅ​ពេល​ដែល​អ្នក​វិនិយោគ​សម្រាប់​រយៈ​ពេល​វែង។ ការ​វិនិយោគ​សម្រាប់​រយៈ​ពេល​វែង​មិន​មែន​មាន​តែ​ការ​ទិញ​ភាគហ៊ុន ឬ​អចលនទ្រព្យ​ទេ។ យើង​អាច​សំដៅ​ទៅ​លើ ការ​ប្រើ​ពេល​វេលា​របស់​អ្នក មនុស្ស​ដែល​អ្នក​ជួល​មក​ធ្វើ​ការ​ ទំនាក់ទំនង​ដែលអ្នក​សាង ផលិតផល​ដែល​អ្នក​បង្កើត និង​រចនា​សម្ព័ន្ធ​ក្រុមហ៊ុន​របស់​អ្នក។ ទាំង​អស់​នេះ​គឺ​ជា​ការ​វិនិយោគ។

ពេល​ដែល Ryan ព្យាយាម​ពង្រីក​​ជំនួញ​របស់​ខ្លួន លោក​ដឹង​ថា កត្តា​ប្រឈម​របស់​លោក​គឺ​ព្រោះ​តែ​លោក​ធ្វើ​ការ​សម្រេច​ចិត្ត​ផ្អែក​លើ​លទ្ធផល​រយៈ​ពេល​ខ្លី។ ក្រោយ​មក​លោក​សម្រេច​ចិត្ត​ផ្ដោត​លើ​អ្វី​ដែល​នឹង​ល្អ​បំផុត​សម្រាប់​ការ​ផ្ដោត​លើ​រយៈពេល​វែង។ ទី​បំផុត​លោក​អាច​ទាក់ទាញ​អតិថិជន​ដែល​ពិត​ជា​បាន​បន្ថែម​គុណតម្លៃ​ទៅ​លើ​ផលិតផល និង​សេវា​របស់​លោក​​ដែល​អាច​ធ្វើ​អោយ​លោកតម្លើង​តម្លៃ​បាន។ នោះ​ហើយ​គឺ​ជា​ពេល​​ដែល​លោក​អាច​រក​​លុយ​បាន​មួយ​លាន​ដុល្លារ​ដំបូង។

តើ​អ្នក​ទុក​លុយ​ចោល​លើ​តុ​ប៉ុន្មាន​ដោយ​សារ​តែ​អ្នក​មិន​រៀប​គំរោង​សម្រាប់​រយៈ​ពេល​វែង​គ្រប់គ្រាប់ និង​វិនិយោគ​លើ​ការ​បង្កើត​ក្រុមហ៊ុន​សម្រាប់​ជោគជ័យ​រយៈ​ពេល​វែង? បញ្ចូល​៥​ចំណុច​នេះ​ជាមួយ​គ្នា ពេល​នោះ​អ្នក​អាច​នឹង​រក​លុយ​មួយ​លាន​​ដុល្លារ​ដំបូង​របស់​អ្នក​ងាយ​ជាង​អ្វី​ដែល​អ្នក​ធ្លាប់​គិត។

ប្រភព៖ www.thephnompenhtimes.com

Submit a Comment

Your email address will not be published. Required fields are marked *

Show Buttons
Hide Buttons