សាលា​រាជធានី​ភ្នំពេញ ត្រៀម​លុបរង្វង់មូល ​៣​កន្លែង​​​

e753a381-adb2-4f48-b065-b164c4b53c2d

រាជធានី​ភ្នំពេញ​ ៖ សាលា​រាជធានី​ភ្នំពេញបាន​និង​កំពុង​ត្រៀម​រៀបចំធ្វើការ​ឈូស​ឆាយ ឬលុប​រង្វង់​មូល​ចេញចំនួន​៣​ទីតាំង គឺ​រង្វង់់​មូល​ទួល​គោក រង្វង់​កាំ​កូ​ស៊ី​ត​ធី និង​រង្វង់​មូល​ចោម​ចៅ (​តែ​រង្វង់​មូល​ចោម​ចៅ​នេះ ស្ថិត​នៅ​ក្នុង​ការ​ពិចារណា​សិន​) ។ ការ​លុប​រង្វង់​មូល​ចេញ រួច​ដាក់ប្រ​ព​ន្ធ័​ភ្លើងស្តុប​ជំនួស​នេះ គឺ​យក​តាម​គុំរូអតីត​រង្វង់​មូលនាង​គ​ង្ហី​ង ដោយ​អាជ្ញាធរ​នេះ​យល់​ឃើញ​ថា អាច​ដោះ​ស្រាយ​បញ្ហា​កកស្ទះ​ចរាចរណ៍ ដែល​ជា​បញ្ហា​ប្រឈម​នេះ ​បាន​មួយ​កម្រិត​ ។

ក្នុង​កិច្ចប្រជុំ​ពាក់​ព​ន្ធ័​ទៅ​នឹង​បញ្ហា​ចរាចរណ៍​ក្នុង​រា​ធានី​ភ្នំពេញ កាលពី​ថ្ងៃ​ទី​២១ ​មេ​សា ២០១៦ ​នេះ លោក​សាំ ពិសិដ្ឋ នាយក​មន្ទីរ​សាធារណការ រាជធានី​ភ្នំពេញ​បាន​ឲ្យ​ដឹង​ថា សាលា​រាជធានី​ភ្នំពេញ បាន​ត្រៀម​ធ្វើការ​ឈូស​ឆាយ រង្វង់​មូល​ទួល​គោក និង​រង្វង់​មូល​កាំ​កូ​ស៊ី​ត​ធី នៅ​ពេល​ឆាប់​ៗ​នេះ ដោយ​ដាក់ ភ្លើងស្តុប ដើម្បី​ដោះស្រាយ បញ្ហា​កក់​ស្ទះចរាចរណ៍​នៅ​តំបន់​នោះ ។

​ចំពោះ​ការងារ​កែសម្រួល​រង្វង់​មូល​ទួល​គោក​នេះ ត្រូវ​លុប​រង្វង់​មូល​ចេញ ដោយ​ពង្រីក​ផ្លូវ​បន្ថែម​ចាប់ពី​ផ្លូវ​រទេះភ្លើង ​រហូត​ដល់​ហួស​រង្វង់​មូល​ហើយ តម្លើង​ប្រ​ព​ន្ធ័​ភ្លើងស្តុបសម្រួល​ទិស​ចរាចរណ៍​ថ្មី ដូចនឹង​ភ្លើងស្តុប​នាង​គ​ង្ហី​ង​ដែរ ។ ​ចំណែក​រង្វង់​មូល​កាំ​កូ​ស៊ី​ត​ធី​ដែល​​​​មាន​ផ្លូវ​ប្រសព្វ​រហូត​ដល់​ទៅ​៦​ខ្សែ ដូច្នេះ​ទាមទារ​ឲ្យ​មានការ​សិក្សា​ឲ្យ​បាន​មត់​ចត់ ដើម្បី​ឲ្យ​ប្រ​ព​ន្ធ័​ចរាចរណ៍​នៅ​តំបន់​នេះ​កាន់​តែ​ប្រសើរ​ឡើង ។

លោក​សាំ ពិសិដ្ឋ បាន​បញ្ជាក់​ថា ត្រង់​ចំណុច​រា​ចរណ៍​នៅ​រង្វង់​កាំ​កូ​ស៊ី​ត​ធី​នេះ​បើ​តាម​ការ​សិក្សា​រួម​គ្នា រវាង​មន្ទីរ​សាធារណៈការ​ក្រុម​ហ៊ុន​អូ​ស៊ី​អាយ​ស៊ី និង​ក្រុមហ៊ុន​ហឺ​ណា​ន​របស់​ចិន​បាន​បង្ហាញ​ថា ការ​ដោះស្រាយ​យូរអង្វែង​ទាល់តែ​ធ្វើ​ស្ពាន​អាកាស​និង​ផ្លូវ​ក្រោម​ដី​ទើប​អាច​ដោះស្រាយ​ប្រ​ព​ន្ធ័​ចរាចរ​នេះ​បាន​។

ពាក់​ព​ន្ធ័​ទៅ​និង​ការ​លើក​ឡើង​របស់​លោក​សាំ ពិសិដ្ឋ ខាងលើ​នេះ លោកប៉ា សុ​ជាតិ​វង្ស អភិបាល​រាជធានី​ភ្នំពេញ ​បាន​គាំទ្រ​ចំពោះ​គម្រោង​​កែលំអ​​​រង្វង់​​មូល​ទាំង​២​​នេះ ប៉ុន្តែ​ស្នើ​ឱ្យ​​អ្នកជំនាញ​សិក្សា​​​​ល្អិត​ល្អន់​​បន្ថែម​ទៀត ជា​ពិសេស ​ផល​ប៉ះ​​ពាល់ និង​លទ្ធភាព​នៃ​ការ​ដោះ​ស្រាយ​ប្រ​ព័ន្ធ​ចរាចរណ៍​​នៅ​តំបន់​នោះ ដែល​អាច​ឈាន​ទៅ​អនុ​ម័ត​ ​ជា​ផ្លូវការ​នៅ​ចុង​ស​ប្តា​ហ៍​​ក្រោយ​តែ​ម្តង ​។

ប្រជាពលរដ្ឋ​រស់នៅ​ក្នុង​រាជធានី​ភ្នំពេញ​ដែល​តែង​ធ្វើ​ដំណើរ​ឆ្លងកាត់​ផ្លូវ​រង្វង់​មូល​ទួល​គោក​នេះ​បាន​សម្តែង​នូវ​ការ​អបអរសា​ទរ​ចំពោះ​គ្រោង​កែ​លម្អ​ប្រ​ព​ន្ធ័​ចរាចរណ៍​នៅ​តំបន់​នេះ​ដែល​វា​នឹង​ជួយ​សម្រួល​ល​ចរាចរណ៍​ទៅ​មក​បាន​យ៉ាងច្រើន ខណៈ​ពេល​បច្ចុប្បន្ន ការ​

ចំណែក​អ្នក​រត់រ៉ឺម៉ក​កង់បី​ក្នុង​រាជធានី​ភ្នំពេញ​​បាន​អះអាង​ថា ប្រសិនបើ​រង្វង់​មូល​ទាំងអស់ ​ដែល​មាន​លក្ខណៈ​ស្មុគស្មាញ​ខ្លាំង អាជ្ញា​ធរ ​គួរ​ប្តូរ​ឱ្យ​មាន​ភ្លើងស្តុប​វិញល្អ​ជាង​ ខណៈ​ដែល​ពេល​នេះ រាជរដ្ឋាភិបាល​មិន​ទាន់​មាន​លទ្ធភាព​​ធ្វើ​ស្ពាន​អាកាស ​ឬ​ផ្លូវ​ក្រោម​ដី​បាន​នោះ​ ។

មន្ត្រី​សាលា​រាជធានី​ភ្នំពេញ​បាន​ឲ្យ​ដឹង​ថា រង្វង់​មូល​ចោម​ចៅ​ក៏​​កំពុង​សិក្សា និង​ត្រៀម​កែ​លំអ​ឡើង​វិញ​ដែរ ហើយ​នៅ​ពេល​ខាង​មុខ​ទីនោះ ​ក៏​គ្រោង​ធ្វើ​ផ្លូវ​ក្រោម​ដី និង​ស្ពាន​អាកាស​ដែរ ដោយសារ​ជា​ច្រក​ចេញ-ចូល​ក្នុង​ក្រុង​ដ៏​សំខាន់​ ហើយ​ចរាចរណ៍​ក៏​មានការ​កក​ស្ទះ​រាល់ថ្ងៃ​ផង​ដែរ ។

ប្រភព៖ www.kohsantepheapdaily.com.kh

Submit a Comment

Your email address will not be published. Required fields are marked *

Show Buttons
Hide Buttons