ការសងប្រាក់កម្ចី

• សងរំលស់ប្រាក់ដើម និងការប្រាក់ប្រចាំខែ
• សងរំលស់ទាំងប្រាក់ដើម និងការប្រាក់ថេរជាប្រចាំខែ
• សងតែការប្រាក់ប្រចាំខែ ប្រាក់ដើមចុងវគ្គ សម្រាប់តែឥណទានដែលមានរយៈពេលខ្ចី ១២ខែប៉ុណ្ណោះ
• សងតាមរដូវកាលនៃផលិតកម្ម ឬប្រតិបត្តិគម្រោងអ្វីមួយ
• សងរំលស់ប្រាក់ដើម ២, ៣, ៤, ៥, ៦​ខែម្តង និងការប្រាក់ប្រចាំខែ
• សងការប្រាក់ ហើយសងប្រាក់ដើមទៅតាមការចចារ ប៉ុន្តែសមតុល្យប្រាក់ដើមចុងគ្រា មិនឲ្យលើសពី ៥០%នៃទំហំប្រាក់កម្ចីដែលបានបញ្ចេញ

ចំណាំ៖ សាខាមានសិទ្ធិអនុម័តរបៀបសងប្រាក់របស់អតិថិជនបានតែរបៀបសងប្រាក់ ជាសងរំសល់ប្រាក់ដើម និងការប្រាក់ជាប្រចាំខែ និងរបៀបសងរំលស់ប្រាក់ដើម និងការប្រាក់ថេរជាប្រចាំខែប៉ុណ្ណោះ។
ជារូបវន្តបុគ្គលជានីតិជន (បុគ្គលដេលមានសិទ្ធិប្រកបការងារតាមផ្លូវច្បាប់) និងជានីតិបុគ្គលដែលរស់នៅ និងមានទីតាំងក្នុងព្រះរាជាណាចក្រកម្ពុជា អ្នកខ្ចី និងអ្នករួមខ្ចី ត្រូវមានលក្ខណៈសម្បត្តិ ដូចខាងក្រោម៖

• អ្នកខ្ចីត្រូវមានអាយុចាប់ពី ១៨ឆ្នាំ ទៅ ៦៥ឆ្នាំ
• អ្នករួមខ្ចីអាចមានអាយុលើសពី ៦៥ឆ្នាំបាន
• អ្នកខ្ចី មានទីលំនៅបច្ចុប្បន្នយ៉ាងតិច ៣ឆ្នាំ
• មានប្រវត្តិល្អ កេរ្តិ៍ឈ្មោះល្អ អត្តចរិកល្អ ជាមនុស្សដែលអាចជឿទុកចិត្តបាន…​
• ធានាផ្តល់ព័ត៌មានពិត​ ត្រឹមត្រូវ ច្បាស់លាស់ គ្រប់គ្រាន់ និងទាន់ពេលវេលា
• មានសមត្ថភាព ជំនាញ និងភាពប៉ិនប្រសប់ ការទទួលខុសត្រូវ សកម្មភាពជំនួញ និរត្តរភាពហិរញ្ញវត្ថុ លំហូរសាច់ប្រាក់
• មិនមានជាប់ពិរុទ្ធដែលពាក់ព័ន្ធនឹងបទល្មើសផ្សេងៗ
• មានទីលំនៅអចិន្ត្រៃយ៍ក្នុងតំបន់ប្រតិបត្តិការរបស់សាខាគ្រឹះស្ថានទទួលខុសត្រូវ និងមានការបញ្ជាក់ទទួលស្គាល់ពីអាជ្ញាធរក្នុងតំបន់ ដូចជា​ អត្តសញ្ញាណប័ណ្ណ សៀវភៅគ្រួសារ សៀវភៅស្នាក់នៅ សំបុត្រកំណើត លិខិតបញ្ជាក់…..
• ទ្រព្យសម្បត្តិដាក់បញ្ចាំមានភាពត្រឹមត្រូវ ច្បាស់លាស់ និងមានតម្លៃយ៉ាងហោចណាស់ ៧០%
• មានដី ផ្ទះ ឬទ្រព្យសម្បត្តិផ្សេងៗទៀតដែលអាចដាក់ជំនួសបាន
• មានមុខរបរ និងប្រាក់ចំណូលច្បាស់លាស់ និងមានលទ្ធភាពសងបំណុលបានគ្រប់ និងទាន់ពេលវេលា
• តម្រូវឲ្យមានប្លង់ធានា (អ្នកធានា ឬភាគីទី៣ ក៏អាចដាក់ប្លង់ជំនួសបានដែរ)
• មិនមានបំណងផ្លាស់ប្តូរទីលំនៅទៅកន្លែងផ្សេង ក្រៅពីតំបន់ប្រតិបត្តិការដែលខ្លួនបានទទួលប្រាក់កម្ចីរហូតដល់សងបំណុលចប់សព្វគ្រប់
• មានអ្នកខ្ចី និងអ្នករួមខ្ចី ត្រូវតែជាប្តីប្រពន្ធ (ករណីនៅលីវ ឬមេម៉ាយ/ពោះម៉ាយ អ្នករួមខ្ចី អាចមានឪពុកម្តាយ​ កូន ឬអាណាព្យាបាល ហើយត្រូវមានលិខិតបញ្ជាក់ទទួលស្គាល់ពីអាជ្ញាធរអំពីភាពនៅលីវ មេម៉ាយ ឬពោះម៉ាយ ឬសំបុត្រ មរណៈភាព)
• មានអ្នកធានា (តម្រូវជាប្តីប្រពន្ធ) ឬសាក្សី ប៉ុន្តែអ្នកធានា ត្រូវបានលើកទឹកចិត្តតម្រូវឲ្យមាន

សម្រាប់ព័ត៌មានបន្ថែម សូមអញ្ជើញមកកាន់សាខារបស់គ្រឹះស្ថានមីក្រូហិរញ្ញវត្ថុ ឌែលតា ម៉ាយក្រូហ្វាយនែន ភីអិលស៊ី ដែលនៅជិតលោកអ្នកបំផុត ឬតាមរយៈវែបសាយត៍ www.delta-plc.com ឬទូរស័ព្ទលេខ 081 777 155 ។