ប្រធានក្រុមប្រឹក្សាភិបាល
លោកជំទាវបានបញ្ចប់សញ្ញាបត្រគរុកោសល្យភូមិភាគខេត្តបាត់ដំបង។ លោកជំទាវជាគ្រូបង្រៀន នៅឆ្នាំ១៩៧៩, ឆ្នាំ១៩៩០ ជាមន្ត្រីសាលាខណ្ឌទួលគោក, ឆ្នាំ២០០២ ដល់ ២០១៣ ជាអនុប្រធានក្រុមប្រឹក្សាភិបាលនៃ ក្រុមហ៊ុន បូលីណូអ៊ិនធើណេសសិនណលគ្រុប ទទួលបន្ទុកផ្នែកគណនេយ្យ និងហិរញ្ញវត្ថុ។ ក្នុងឆ្នាំ២០១៤ លោកជំទាវជាស្ថាបនិក និងជាភាគទុនិកនៃ គ្រឹះស្ថានមីក្រូហិរញ្ញវត្ថុ ឌែលតា ម៉ាយក្រូហ្វាយនែន ភីអិលស៊ី និងជាទីប្រឹក្សាផ្ទាល់របស់គ្រឹះស្ថាន រហូតដល់ឆ្នាំ២០២០ លោកជំទាវត្រូវបានតែងតាំងជាប្រធានក្រុមប្រឹក្សាភិបាលរបស់គ្រឹះស្ថាន ឌែលតា។
អនុប្រធានក្រុមប្រឹក្សាភិបាល
លោកជំទាវ អ៊ុក រ៉ាវីន ទទួលបានសញ្ញាប័ត្របរិញ្ញាប័ត្រវិទ្យាសាស្រ្ត គ្រប់គ្រងពាណិជ្ជកម្ម ពី សាកលវិទ្យាល័យ California state university Stanislaus ទីក្រុង Turlok រដ្ឋ California សហរដ្ឋអាមេរិក។ បច្ចុប្បន្នលោក ជំទាវគឺជាប្រធានក្រុមប្រឹក្សាភិបាលនៅសាកលវិទ្យាល័យ អន្ដរជាតិ (IU) និង ត្រូវបានតែងតាំងជាសមាជិកក្រុមប្រឹក្សាភិបាល របស់គ្រឹះស្ថានមីក្រូហិរញ្ញវត្ថុ ឌែលតា ម៉ាយក្រូហ្វាយនែន ភីអិលស៊ី នៅឆ្នាំ ២០១៣ និងឆ្នាំ ២០២០ ជាអនុប្រធានក្រុមប្រឹក្សាភិបាលរហូតដល់ បច្ចុប្បន្ន។ នៅចុងឆ្នាំ ២០២០ លោកជំទាវក៏ត្រូវបានតែងតាំងជាអគ្គនាយិកា នៃគ្រឹះស្ថានមីក្រូហិរញ្ញវត្ថុ ឌែលតា ភីអិល ស៊ី ផងដែរ។
សមាជិកក្រុមប្រឹក្សាភិបាលឯករាជ្យ
លោកបានបញ្ចប់ថ្នាក់សញ្ញាប័ត្របរិញ្ញាប័ត្រគ្រប់គ្រងអាជីវកម្ម (BBA) ជំនាញធនាគារ និងហិរញ្ញវត្ថុ នៅសាកលវិទ្យាល័យបៀលប្រាយ ២០១១។ លោកមានបទពិសោធន៍ ជាមន្ត្រីឥណទាន, មន្រ្តីដោះស្រាយបំណុលយឺតយ៉ាវ, ជាអនុប្រធានសាខាស្រុក នៅគ្រឹះស្ថានមីក្រូហិរញ្ញវត្ថុ វីសិនហ្វាន់ ឆ្នាំ ២០០៦ ដល់ ២០១២។ លោកជាប្រធានសាខា, ប្រធានសាខាជាន់ខ្ពស់ នៅ គ្រឹះស្ថានមីក្រូហិរញ្ញវត្ថុ សហគ្រិនភាព ឆ្នាំ២០១២ ដល់២០១៥។ លោកជា ប្រធានផ្នែកឥណទាន, ប្រធានសាខាខេត្តតាកែវ ពីឆ្នាំ ២០១៥ ដល់ឆ្នាំ ២០១៦ និងជាប្រធានការិយាល័យកម្ចីខ្នាតតូចបំផុត នៅ ឌែលតា ឆ្នាំ ២០១៦ រហូតដល់ឆ្នាំ ២០១៩ លោកត្រូវបានតែងតាំងជា ប្រធានការិយាល័យប្រតិបត្តិតាមនៅ ឌែលតា ។ បច្ចុប្បន្នលោកជាប្រធានគ្រប់គ្រងទូទៅ នៅក្រុមហ៊ុន Worldwide Motors Company LTD និងត្រូវបានតែងតាំងជាអភិបាលឯករាជ្យរបស់ ឌែលតា នៅឆ្នាំ ២០២០។
Sitemap
